Russia:Umuganga witaga kubarwayi barwaye ColonaVirus, yagaragaye yambaye ubusa ubwo yitaga ku barwayi.

Uwo mukobwa yari mu kazi ko kuvura abarwaye Coronavirus, aza kwambara imyambaro y’ubwirinzi yagenewe abaganga mu kwikingira iki cyorezo, gusa yayambariye ku myambaro y’imbere gusa.

Umuforomo wo mu Burusiya witwa Nadia yafashwe amafoto n’umurwayi yambaye ikanzu ibonerana
Nyuma yo gusakara kw’ayo mafoto yafashwe n’abarwayi yitagaho, ubuyobozi bw’ibitaro yakoragamo bwahise bumuhagarika ku kazi.

Icyemezo cyo kumuhagarika nticyishimiwe n’abaganga b’Abarusiya n’abanyapolitiki batandukanye.

Vitaly Valentinovich Milonov uri mu banyapolitiki bakomeye mu Burusiya ni umwe mu bagaragaje ko batishimiye icyemezo cyafatiwe uyu mukobwa.

Yagize ati “Ndumva nta kintu na kimwe cyatuma uyu mukobwa ahagarikwa ku kazi ke.”

Iyi foto yavugishije benshi kumbugankoranyambaga
Valery Kapnin ufite izina rikomeye kubera gukoresha internet yavuze ko uwo muforomo adakwiye guhanwa.

Ati “Kuki wahana uwo muforomo? Mukwiye kumuhemba. Kubona iyi myambarire, nta muntu ukeneye gupfa.’’

Nadia yabwiye abayobozi be atari azi ko umwenda we w’imbere uri kugaragara ndetse ko yari ashyushye cyane ku buryo atari koroherwa no kwambara ikanzu isanzwe ihereye ku mutwe ikagera ku mano.

Dr. Anastasia Vasilyeva ukuriye itsinda ry’abaganga yavuze ko bagiye gufasha Nadia ku bihano yafatiwe.

Mu Burusiya hamaze kuboneka abantu ibihumbi 468 banduye Coronavirus, muri bo ibihumbi 227 barayikize mu gihe 5 859 yabahitanye.

Leave a Reply

Your email address will not be published. Required fields are marked *