Umushoferi n’umupolisi nibo bantu babiri bamaze kwicwa na Coronavirus mu Rwanda

Ku wa 30 Gicurasi nibwo Minisiteri y’Ubuzima yatangaje ko umuntu wa mbere mu Rwanda witabye Imana azize Coronavirus kuva iki cyorezo cyagera mu gihugu ku wa 14 Werurwe 2020, ari umushoferi w’imyaka 65 wari utuye mu gihugu cy’abaturanyi, wahisemo gutaha mu Rwanda nyuma yo kuremba.

Yakomeje iti “Yitaweho n’abaganga mu kigo cyagenewe kuvura Coronavirus. Ariko yaje gupfa azize kwangirika imyanya y’ubuhumekero.”

Ejo ku wa 02 Kamena nabwo Minisiteri y’Ubuzima yatangaje ko mu Rwanda habonetse umuntu wa kabiri witabye Imana azize Coronavirus, aho yari Umupolisikazi w’imyaka 24 wari waragiye mu butumwa bw’akazi mu mahanga, aza kugarurwa mu gihugu arembye cyane nyuma yo kwandurira aho yari.

Itangazo ryashyizwe ahagaragara na Minisiteri y’Ubuzima rivuga uwapfuye ari “umupolisikazi w’imyaka 24 wari mu butumwa bw’akazi mu mahanga aho yanduriye Coronavirus aza kugarurwa mu Rwanda nyuma yo kuremba. Yahise yitabwaho n’abaganga ariko yaje kwitaba Imana azize uburwayi bukomeye”.

Uru rupfu rwari rubaye urwa kabiri rw’umuntu uhitanwe na Coronavirus mu Rwanda,

Mu bantu bose bamaze kwandura Coronavirus mu Rwanda, 278 ni abayanduriye mu mahanga naho 106 ni abayanduriye mu gihugu bandujwe n’abavuye mu mahanga. Umubare munini w’abanduye iki cyorezo bari hagati y’imyaka 30 na 39.

Leave a Reply

Your email address will not be published. Required fields are marked *