Burundi: Impanuka yishe abantu, hapfamo n’umugore umwana yari atwite ararokoka

Impanuka y’ikamyo yabaye mu gace ka Kamenge mu ijoro ry’ejo ku cyumweru yahitanye abantu batandatu, umwe muri bo ni umugore utwite ariko umwana yari atwite yavanywe mu nda ya nyina ari muzima.

Ibi byemejwe na minisiteri y’umutekano mu Burundi, ivuga ko iyi mpanuka yatewe n’uko iyi modoka yagize ikibazo cya feri.

Iyi mpanuka yabereye ku nzira yinjira mu mujyi wa Bujumbura utangiye ‘quartier’ ya Kamenge na Gihosha muri komine Ntahangwa.

Ku mbuga nkoranyambaga, abonye iyi mpanuka bavuze ko iyi kamyo yagonze imodoka nyinshi ndetse ko ishobora kuba yishe abantu benshi.

Minisiteri y’umutekano mu Burundi ivuga ko hapfuye abantu batandatu hagakomereka batanu naho imodoka icumi zindi zikangirika.

Abantu muri aka gace batangajwe no kurokoka k’uyu mwana wavanywe mu nda ya nyina aho iyi mpanuka yabereye ari muzima nk’uko umwe mu banyamakuru i Bujumbura yabibwiye BBC.

Avuga ko uyu mwana yahise ajyanwa kwa muganga, kimwe n’inkomere n’abapfuye.

umwana wakuwe munda ya nyina warumaze kwitaba Imana

Leave a Reply

Your email address will not be published. Required fields are marked *